O SAMAÍN

A noite do 31 de outubro comezaba o aninovo celta.

Samaín significa fin do verán, principio do inverno. Na antiga cultura celta o tempo de Samaín, especialmente a noite do 31 de outubro ao 1 e novembro, era o período máis importante do ano. Eran datas claves para reunirse nos camposantos, comer o porco de samaín e celebrar a festa dos guerreiros. Era a noite máis perigosa do ano: as portas do outromundo abríanse nesas horas e as ánimas dos finados eran quen de vir visitar este mundo e aos seus habitantes. Moitas veces para render contas inacabadas e outras para visitar os seus parentes e quentarse ao carón do lume.

Para afastar dos seus castros as perigosas ánimas defuntas adoitaban poñer no alto dos muros ou encastradas nas paredes, as caveiras iluminadas dos inimigos mortos na batalla. De aquí vén a tradición europea de facer caveiras na cortiza dos melóns ou cabazos.
O Samaín é o antecedente europeo do Halloween americano. Este ten orixe europea e foi levado polos emigrantes a terras americanas donde se transformou nun carnaval outonal.